Patang ki udaan bohot kuch keh jaati hai. Uske saaye ke beech zameen aasman ka farak hai.
Zindagi mein bohot patange udi hain aur bohot kaati gayi hai.
Agar ab bhi kat jaaye toh na dukh hoga, na khushi milegi. Bas ek naya patang banega aur udne lagega. Aur agle kuch dino mein kab udega, kab katega, na pata chalega aur na baad mein yaad aayega.
Agar patang bas bane aur ud na paaye, na kategi aur na udegi. Phir patang ka mahattva hi agar ud jaaye toh voh patang kis baat ki?
Rang birangi hoti hain patangein. Agar aane vaale dino mein tum apni hi patang udaane mein lagoge aur katt gayi, ya toh jisne kaati tumse samajhdaar hoga ya tumhe dhang se patang udaani nahin aati.
Par socho agar sabhi ki patange agar ek saath udne lage. Ya voh sab saath mein kat jaayengi aur aasman bilkul neela aur pheeka nazar aayega ya poore aasman mein rangeen khushiyaan phailaayegi. Aasman mein neela kam, har tarah ke rang zyaada. Agar yahi zindagi ban jaaye toh hamari patange kitni mast udengi na?
Aur agar is ekta mein ek bhi patang kat jaye, toh bura nahi lagega. Aur patange udengi aur aasman mein tarah tarah ki bhavnayein lalkaareingi.
Ek patang ki apni kahaani hai.
Saare patangon ki ek zindagi hai.
Bohoton ke pantangein, ek sansaar.
Na kate, na kaate. Bas udta chala jaaye. Udta chala jaaye. Udta chala.jaaye.
0 comments:
Post a Comment